ਜਲਦੀ ਦਖਲ ਦੇਣਾ
ਲੋਕਾਂ ਨੂੰ ਜਲਦੀ ਸੰਭਾਲ ਪ੍ਰਾਪਤ ਕਰਨ ਵਿੱਚ ਮਦਦ ਲਈ ਜਲਦੀ ਦਖਲ ਦੇਣਾ।
ਫਾਊਂਡਰੀ
ਨੌਜਵਾਨ ਜ਼ਿੰਦਗੀ ਵਿੱਚ ਸਭ ਤੋਂ ਵਧੀਆ ਸੰਭਵ ਸ਼ੁਰੂਆਤ ਦੇ ਹੱਕਦਾਰ ਹਨ ਪਰ ਪਿਛਲੇ ਕੁਝ ਸਾਲ ਨੌਜਵਾਨਾਂ ਲਈ ਆਸਾਨ ਨਹੀਂ ਰਹੇ। ਅਧਿਐਨਾਂ ਨੇ ਸਾਨੂੰ ਦਿਖਾਇਆ ਹੈ ਕਿ ਨੌਜਵਾਨ ਮਹਾਂਮਾਰੀ ਨਾਲ ਬੇਹੱਦ ਪ੍ਰਭਾਵਿਤ ਹੋਏ ਸਨ।
ਨੌਜਵਾਨਾਂ ਨੂੰ ਸਾਥੀਆਂ ਨਾਲ ਜੋੜਨ ਅਤੇ ਉਨ੍ਹਾਂ ਨੂੰ ਲੋੜੀਂਦੀ ਸਹਾਇਤਾ ਦੇਣ ਲਈ, ਸਰਕਾਰ ਸੂਬੇ ਭਰ ਵਿੱਚ ਫਾਊਂਡਰੀ ਸੈਂਟਰਾਂ ਦਾ ਵਿਸਤਾਰ ਕਰ ਰਹੀ ਹੈ।
ਫਾਊਂਡਰੀ ਨੌਜਵਾਨ ਵੈਲਨੈਸ ਸੈਂਟਰਾਂ ਦਾ ਇੱਕ ਸੂਬਾ-ਵਿਆਪੀ ਨੈੱਟਵਰਕ ਹੈ, ਜੋ ਇਕੋਂ ਥਾਂ ‘ਤੇ ਸਥਾਨਕ ਕਮਿਊਨਿਟੀ ਸੰਸਥਾਵਾਂ ਅਤੇ ਔਨਲਾਈਨ ਸਹਾਇਤਾ ਨਾਲ ਭਾਈਵਾਲੀ ਵਿੱਚ ਹੈ, ਜੋ ਰੁਕਾਵਟਾਂ ਨੂੰ ਦੂਰ ਕਰਦਾ ਹੈ ਅਤੇ ਮੁਫਤ ਅਤੇ ਗੁਪਤ ਮਾਨਸਿਕ ਸਿਹਤ ਅਤੇ ਨਸ਼ਾ ਸਹਾਇਤਾ ਨਾਲ 12-24 ਸਾਲ ਦੀ ਉਮਰ ਦੇ ਨੌਜਵਾਨਾਂ ਨੂੰ ਸਰੀਰਕ ਅਤੇ ਜਿਨਸੀ ਸਿਹਤ ਸੰਭਾਲ, ਪੀਅਰ ਸੁਪੋਰਟ (ਉਹ ਪ੍ਰਕਿਰਿਆ ਜਿਸ ਰਾਹੀਂ ਲੋਕ ਇੱਕੋ ਜਿਹੇ ਤਜਰਬੇ ਸਾਂਝੇ ਕਰਦੇ ਹਨ ਅਤੇ ਉਹਨਾਂ ਦੇ ਆਧਾਰ ‘ਤੇ ਮਦਦ ਪ੍ਰਾਪਤ ਕਰਦੇ ਹਨ) ਅਤੇ ਸਮਾਜਕ ਸੇਵਾਵਾਂ ਪ੍ਰਦਾਨ ਕਰਦਾ ਹੈ।
ਸੂਬੇ ਭਰ ਵਿੱਚ 16 ਕਮਿਊਨਿਟੀਆਂ ਵਿੱਚ ਫਾਊਂਡਰੀ ਸੈਂਟਰ ਖੁੱਲ੍ਹੇ ਹਨ, ਜਿਨ੍ਹਾਂ ਵਿੱਚੋਂ ਹੋਰ ਵਿਕਾਸ ਅਧੀਨ ਹਨ, ਇੱਕ ਵਾਰ ਪੂਰਾ ਹੋਣ ਤੋਂ ਬਾਅਦ ਸੂਬੇ ਭਰ ਵਿੱਚ ਕੁੱਲ 35 ਸੈਂਟਰ ਹੋਣਗੇ।
ਆਪਣੇ ਨੇੜੇ ਇੱਕ ਫਾਊਂਡਰੀ ਸੈਂਟਰ ਲੱਭਣ ਲਈ, foundrybc.ca ‘ਤੇ ਜਾਓ
ਉਹਨਾਂ ਲੋਕਾਂ ਲਈ ਜੋ ਫਾਊਂਡਰੀ ਸੈਂਟਰ ਤੱਕ ਪਹੁੰਚ ਨਹੀਂ ਕਰ ਸਕਦੇ, ਫਾਊਂਡਰੀ, ਫਾਊਂਡਰੀ ਬੀ ਸੀ ਐਪ ਰਾਹੀਂ, ਫੋਨ ਦੁਆਰਾ ਜਾਂ foundrybc.ca ਵੈਬਸਾਈਟ ਰਾਹੀਂ ਸੂਬਾਈ ਵਰਚੁਅਲ ਸੇਵਾਵਾਂ ਪ੍ਰਦਾਨ ਕਰਦਾ ਹੈ।
ਏਕੀਕ੍ਰਿਤ ਬਾਲ ਅਤੇ ਯੁਵਾ ਟੀਮਾਂ
ਬੀ.ਸੀ. ਵਿੱਚ ਪਰਿਵਾਰ ਇਸ ਸਮੇਂ ਵੱਡੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਹਨ। ਵਧਦੀ ਮਹਿੰਗਾਈ ਅਤੇ ਵਿਆਜ ਦਰਾਂ ਨੇ ਬਹੁਤ ਸਾਰੇ ਪਰਿਵਾਰਾਂ ਲਈ ਵਧੇਰੇ ਵਿੱਤੀ ਤਣਾਅ ਅਤੇ ਚਿੰਤਾ ਪੈਦਾ ਕੀਤੀ ਹੈ। ਪਰਿਵਾਰ ਮਜ਼ਬੂਤ ਅਤੇ ਏਕੀਕ੍ਰਿਤ ਸਿਹਤ ਸੰਭਾਲ ਸੇਵਾਵਾਂ ਦੇ ਹੱਕਦਾਰ ਹਨ ਤਾਂ ਜੋ ਉਹ ਲੋੜੀਂਦੀ ਮਦਦ ਪ੍ਰਾਪਤ ਕਰ ਸਕਣ, ਜਦੋਂ ਉਨ੍ਹਾਂ ਨੂੰ ਇਸਦੀ ਲੋੜ ਹੁੰਦੀ ਹੈ, ਜਿਸ ਵਿੱਚ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸਹਾਇਤਾ, ਰੋਕਥਾਮ ਅਤੇ ਸ਼ੁਰੂਆਤੀ ਦਖਲਅੰਦਾਜ਼ੀ ਤੱਕ ਪਹੁੰਚ ਸ਼ਾਮਲ ਹੈ, ਜਿੱਥੇ ਹਰ ਦਰਵਾਜ਼ਾ ਸਹੀ ਦਰਵਾਜ਼ਾ ਹੈ।
ਸੂਬਾ ਬ੍ਰਿਟਿਸ਼ ਕੋਲੰਬੀਆ ਦੇ ਭਾਈਚਾਰਿਆਂ ਵਿੱਚ ਨਵੀਆਂ ਇੰਟਿਗਰੇਟਿਡ ਚਾਈਲਡ ਐਂਡ ਯੂਥ (ICY) ਟੀਮਾਂ (ਏਕੀਕ੍ਰਿਤ ਬਾਲ ਅਤੇ ਯੁਵਕ ਟੀਮਾਂ) ਬਣਾ ਰਿਹਾ ਹੈ। ICY ਟੀਮਾਂ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀ ਸੰਭਾਲ ਵਿੱਚ ਕਮੀਆਂ ਅਤੇ ਰੁਕਾਵਟਾਂ ਨੂੰ ਦੂਰ ਕਰਨ, ਸੇਵਾਵਾਂ ਪ੍ਰਦਾਨ ਕਰਨ ਵਾਲਿਆਂ ਨੂੰ ਇਕੱਠੇ ਕਰਨ ਅਤੇ ਬਿਹਤਰ ਸੰਭਾਲ ਪ੍ਰਦਾਨ ਕਰਨ ਲਈ ਕੰਮ ਕਰਦੀਆਂ ਹਨ।
ਇਹ ਟੀਮਾਂ ਪਰਿਵਾਰਾਂ ਨੂੰ ਸੇਵਾਵਾਂ ਤੱਕ ਪਹੁੰਚ ਵਿੱਚ ਮਦਦ ਕਰਨ ਅਤੇ ਬੱਚਿਆਂ ਅਤੇ ਨੌਜਵਾਨਾਂ ਲਈ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸਹਾਇਤਾ ਪ੍ਰਦਾਨ ਕਰਨ ਵਿੱਚ ਮਦਦ ਕਰਦੀਆਂ ਹਨ।
ਸੂਬੇ ਭਰ ਦੇ ਸਕੂਲ ਡਿਸਟ੍ਰਿਕਟਸ ਵਿੱਚ ਪਹਿਲਾਂ ਹੀ ਪੰਜ ICY ਟੀਮਾਂ ਕੰਮ ਕਰ ਰਹੀਆਂ ਹਨ, ਅਤੇ ਹੋਰ ਆਉਣ ਵਾਲੀਆਂ ਹਨ। ਕੁੱਲ ਮਿਲਾ ਕੇ, ਸੂਬਾ 2024 ਤੱਕ 20 ਸਕੂਲ ਡਿਸਟ੍ਰਿਕਟਸ ਵਿੱਚ ਟੀਮਾਂ ਲਾਗੂ ਕਰੇਗਾ, ਜੋ 2025 ਤੱਕ ਪੂਰੀ ਤਰ੍ਹਾਂ ਕੰਮ ਸ਼ੁਰੂ ਕਰ ਦੇਣਗੀਆਂ।
ਕਮਿਊਨਿਟੀ ਕਾਊਂਸਲਿੰਗ
ਜਦੋਂ ਲੋਕ ਮਦਦ ਲੈਣ ਦਾ ਦਲੇਰ ਫੈਸਲਾ ਲੈਂਦੇ ਹਨ, ਤਾਂ ਅਹਿਮ ਸੇਵਾਵਾਂ ਦਾ ਪਹੁੰਚਯੋਗ ਅਤੇ ਉਪਲਬਧ ਹੋਣਾ ਜ਼ਰੂਰੀ ਹੈ। ਸਰਕਾਰ ਇਹ ਸੁਨਿਸ਼ਚਿਤ ਕਰਨ ਲਈ ਕੰਮ ਕਰ ਰਹੀ ਹੈ ਕਿ ਪੇਂਡੂ, ਦੂਰ-ਦੁਰਾਡੇ ਅਤੇ ਇੰਡੀਜਨਸ (ਮੂਲਵਾਸੀ) ਭਾਈਚਾਰਿਆਂ ਸਮੇਤ ਜੀਵਨ ਦੇ ਸਾਰੇ ਖੇਤਰਾਂ ਦੇ ਲੋਕ ਮੁਫਤ ਜਾਂ ਘੱਟ ਲਾਗਤ ਵਾਲੀਆਂ ਕਾਊਂਸਲਿੰਗ ਸੇਵਾਵਾਂ ਤੱਕ ਪਹੁੰਚ ਕਰ ਸਕਣ, ਜਦੋਂ ਅਤੇ ਜਿੱਥੇ ਉਨ੍ਹਾਂ ਨੂੰ ਇਸਦੀ ਲੋੜ ਹੁੰਦੀ ਹੈ।
2019 ਤੋਂ, ਸੂਬੇ ਨੇ ਸੂਬੇ ਭਰ ਵਿੱਚ ਕੁੱਲ 49 ਕਮਿਊਨਿਟੀ ਕਾਊਂਸਲਿੰਗ ਏਜੰਸੀਆਂ ਦੀ ਸਹਾਇਤਾ ਲਈ $19 ਮਿਲੀਅਨ ਦਾ ਨਿਵੇਸ਼ ਕੀਤਾ ਹੈ।
‘ਕਮਿਊਨਿਟੀ ਕਾਊਂਸਲਿੰਗ’ ਕਾਊਂਸਲਰਜ਼ ਲਈ ਗਾਹਕਾਂ ਨੂੰ ਉੱਥੇ ਮਿਲਣ ਦੀ ਅਜ਼ਾਦੀ ਪ੍ਰਦਾਨ ਕਰਦੀ ਹੈ ਜਿੱਥੇ ਉਹ ਹਨ, ਚਾਹੇ ਉਹ ਪਹੁੰਚ ਰਾਹੀਂ, ਵਿਅਕਤੀਗਤ ਕਾਊਂਸਲਿੰਗ ਰਾਹੀਂ ਹੋਵੇ ਜਾਂ ਵਰਚੁਅਲ ਸਹਾਇਤਾ ਰਾਹੀਂ।
ਆਪਣੇ ਨੇੜੇ ਕਾਊਂਸਲਿੰਗ ਸੇਵਾਵਾਂ ਲੱਭਣ ਲਈ, ‘ਕਮਿਊਨਿਟੀ ਐਕਸ਼ਨ ਇਨੀਸ਼ੀਏਟਿਵ ਕਮਿਊਨਿਟੀ ਕਾਊਂਸਲਿੰਗ’ ਗ੍ਰਾਂਟਾਂ (caibc.ca) ‘ਤੇ ਜਾਓ।
ਕੌਨਫੀਡੈਂਟ ਪੇਰੈਂਟਜ਼/ਥਰਾਈਵਿੰਗ ਕਿਡਜ਼
ਕਿਸੇ ਬੱਚੇ ਦਾ ਪਾਲਣ-ਪੋਸ਼ਣ ਕਿਸੇ ਮੈਨੁਅਲ ਜਾਂ ਪਲੇਬੁੱਕ ਨਾਲ ਨਹੀਂ ਹੁੰਦਾ। ਅਜਿਹੇ ਸਮਾਂ ਵੀ ਹੁੰਦਾ ਹੈ ਜਦੋਂ ਮਾਪਿਆਂ ਨੂੰ ਆਪਣੇ ਜੀਵਨ ਦੇ ਮੁਸ਼ਕਲ ਸਮੇਂ ਵਿੱਚੋਂ ਕਿਸੇ ਬੱਚੇ ਦੇ ਮਾਰਗ-ਦਰਸ਼ਨ ਲਈ ਮਦਦ ਤੱਕ ਪਹੁੰਚ ਕਰਨ ਦੀ ਲੋੜ ਹੁੰਦੀ ਹੈ।
‘ਕੌਨਫੀਡੈਂਟ ਪੇਰੇੰਟਜ਼/ਥਰਾਈਵਿੰਗ ਕਿਡਜ਼’ ਨਾਮ ਦੀ ਸੰਸਥਾ, ਐਂਕਜ਼ਾਇਟੀ ਅਤੇ ਵਿਵਹਾਰਕ ਚੁਣੌਤੀਆਂ ਵਾਲੇ ਬੱਚਿਆਂ (ਤਿੰਨ ਤੋਂ 12 ਸਾਲ ਦੀ ਉਮਰ ਤੱਕ) ਦੇ ਮਾਪਿਆਂ ਲਈ ਟੈਲੀਫੋਨ-ਅਧਾਰਤ ਸਹਾਇਤਾ ਦੀ ਪੇਸ਼ਕਸ਼ ਕਰਦੀ ਹੈ।
ਇਹ ਪ੍ਰੋਗਰਾਮ, ਕਨੇਡੀਅਨ ਮੈਂਟਲ ਹੈਲਥ ਐਸੋਸੀਏਸ਼ਨ-ਬੀ.ਸੀ. ਡਿਵੀਯਨ, ਮਾਪਿਆਂ ਨੂੰ ਬਚਪਨ ਦੇ ਉਨ੍ਹਾਂ ਐਂਕਜ਼ਾਇਟੀ ਅਤੇ ਵਿਵਹਾਰਕ ਮੁੱਦਿਆਂ ਬਾਰੇ ਸਿਖਲਾਈ ਦਿੰਦੇ ਹਨ ਜੋ ਵਿਸ਼ੇਸ਼ ਸਥਿਤੀਆਂ ਦੌਰਾਨ ਪੈਦਾ ਹੋ ਸਕਦੇ ਹਨ, ਜਿਵੇਂ ਕਿ ਦਿਨ ਲਈ ਤਿਆਰ ਹੋਣਾ ਜਾਂ ਸਕੂਲ ਛੱਡਣਾ।
ਫੋਨ-ਅਧਾਰਤ ਕੋਚਿੰਗ ਮਾਪਿਆਂ ਨੂੰ ਸਮਰੱਥ ਬਣਾਉਂਦੀ ਹੈ, ਉਨ੍ਹਾਂ ਨੂੰ ਆਪਣੇ ਬੱਚੇ ਦੀ ਸਹਾਇਤਾ ਕਰਨ ਲਈ ਹੁਨਰ ਅਤੇ ਕਾਰਜਨੀਤੀਆਂ ਵਿਕਸਤ ਕਰਨ ਵਿੱਚ ਸਹਾਇਤਾ ਕਰਦੀ ਹੈ। welcome.cmhacptk.ca ‘ਤੇ ਜਾ ਕੇ ਹੋਰ ਜਾਣੋ।
ਸਕੂਲਾਂ ਵਿੱਚ ਮਾਨਸਿਕ ਸਿਹਤ ਸਹਾਇਤਾ
ਸਕੂਲ ਡਿਸਟ੍ਰਿਕਟ ਅਤੇ ਇੰਡਿਪੈਨਡੈਂਟ (ਸੁਤੰਤਰ) ਸਕੂਲ ਸਮੱਸਿਆਗ੍ਰਸਤ ਪਦਾਰਥਾਂ ਦੀ ਵਰਤੋਂ ਦੀ ਰੋਕਥਾਮ ਅਤੇ ਮਾਨਸਿਕ ਸਿਹਤ ਅਤੇ ਤੰਦਰੁਸਤੀ ਨੂੰ ਉਤਸ਼ਾਹਤ ਕਰਨ ‘ਤੇ ਕੇਂਦਰਿਤ ਪ੍ਰੋਗਰਾਮਾਂ ਲਈ ਫੰਡ ਪ੍ਰਾਪਤ ਕਰ ਰਹੇ ਹਨ।
ਵੀ ਆਰ ਇੰਡੀਜਨਸ: ਬਿੱਗ ਵਰੀਜ਼/ਫ਼ੀਅਰਜ਼, ਪੇਰੈਂਟ/ਕੇਅਰਗਿਵਰ ਸੁਪੋਰਟ ਪ੍ਰੋਗਰਾਮ
‘ਕੌਨਫੀਡੈਂਟ ਪੇਰੇੰਟਜ਼/ਥਰਾਈਵਿੰਗ ਕਿਡਜ਼ ਐਂਕਜ਼ਾਇਟੀ ਪ੍ਰੋਗਰਾਮ’ ਦੇ ਪ੍ਰਮਾਣ-ਅਧਾਰ ਅਤੇ ਸਫਲਤਾ ਨੂੰ ਅੱਗੇ ਤੋਰਦੇ ਹੋਏ, ਬਿੱਗ ਵਰੀਜ਼/ਫ਼ੀਅਰਜ਼ ਪ੍ਰੋਗਰਾਮ ਦੇ ਵਿਕਾਸ ਨੂੰ ਇੰਡੀਜਨਸ ਪਰਿਵਾਰਾਂ ਲਈ ਇੰਡੀਜਨਸ ਦ੍ਰਿਸ਼ਟੀਕੋਣਾਂ ਰਾਹੀਂ ਮਾਰਗ ਦਰਸ਼ਨ ਦਿੱਤਾ ਗਿਆ, ਤਿਆਰ ਅਤੇ ਵਿਕਸਤ ਕੀਤਾ ਗਿਆ ਸੀ।
ਇਹ ਪ੍ਰੋਗਰਾਮ ਇੰਡੀਜਨਸ ਪਰਿਵਾਰਾਂ ਦੇ ਹਿਮੰਤ ਅਤੇ ਹੌਸਲੇ ਨੂੰ ਮਾਨਤਾ ਦਿੰਦਾ ਹੈ, ਉਨ੍ਹਾਂ ਦੀ ਤੰਦਰੁਸਤੀ ਦੇ ਗਿਆਨ ਵਿੱਚ ਫਰਸਟ ਨੇਸ਼ਨਜ਼ ਦੀ ਸਹਾਇਤਾ ਕਰਨ ਦੀ ਮਹੱਤਤਾ ਦੇ ਨਾਲ-ਨਾਲ ਇੰਡੀਜਨਸ ਪਰਿਵਾਰਾਂ ‘ਤੇ ਬਸਤੀਵਾਦ ਦੇ ਵਿਘਨਕਾਰੀ ਪ੍ਰਭਾਵਾਂ ਨੂੰ ਸਵੀਕਾਰ ਕਰਦਾ ਹੈ।
ਕ੍ਰਾਈਸਿਸ (ਸੰਕਟ) ਲਾਈਨਾਂ
ਜਦੋਂ ਲੋਕ ਮਾਨਸਿਕ ਸਿਹਤ ਜਾਂ ਨਸ਼ੇ ਦੀ ਲਤ ਦੀਆਂ ਚੁਣੌਤੀਆਂ ਕਾਰਨ ਸੰਕਟ ਵਿੱਚ ਹੁੰਦੇ ਹਨ, ਤਾਂ ਉਹਨਾਂ ਨੂੰ ਦੇਖਭਾਲ ਅਤੇ ਹਮਦਰਦੀ ਦੀ ਲੋੜ ਹੁੰਦੀ ਹੈ।
ਸੰਕਟ ਲਾਈਨਾਂ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਰਹਿਣ ਵਾਲੇ ਉਹਨਾਂ ਲੋਕਾਂ ਲਈ ਇੱਕ ਮਹੱਤਵਪੂਰਣ ਸੇਵਾ ਪ੍ਰਦਾਨ ਕਰਦੀਆਂ ਹਨ ਜਿਨ੍ਹਾਂ ਨੂੰ ਮਾਨਸਿਕ ਸਿਹਤ ਅਤੇ/ਜਾਂ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸਹਾਇਤਾ ਦੀ ਲੋੜ ਹੁੰਦੀ ਹੈ।
ਜ਼ਹਿਰੀਲੇ ਨਸ਼ੀਲੇ ਪਦਾਰਥਾਂ ਦੇ ਸੰਕਟ ਅਤੇ ਕੋਵਿਡ-19 ਮਹਾਂਮਾਰੀ ਦੇ ਨਤੀਜੇ ਵਜੋਂ ਬੀ.ਸੀ. ਦੀਆਂ ਸੰਕਟ ਲਾਈਨਾਂ ਨੂੰ ਉਮੀਦ ਤੋਂ ਵੱਧ ਕਾਲਾਂ ਪ੍ਰਾਪਤ ਹੋਈਆਂ।
ਇਸ ਲਈ ਸਰਕਾਰ ਸੰਕਟ ਲਾਈਨਾਂ ਦਾ ਜਵਾਬ ਦੇਣ ਵਾਲਿਆਂ ਲਈ $2.47 ਮਿਲੀਅਨ ਤੋਂ ਵੀ ਵੱਧ ਦਾ ਨਿਵੇਸ਼ ਕਰਕੇ ਸੰਕਟ ਲਾਈਨਾਂ ਦਾ ਵਿਸਤਾਰ ਕਰ ਰਹੀ ਹੈ ਅਤੇ ਇਹਨਾਂ ਸੇਵਾਵਾਂ ਨੂੰ ਮਜ਼ਬੂਤ ਬਣਾ ਰਹੀ ਹੈ ਤਾਂ ਜੋ ਮਹਾਂਮਾਰੀ ਦੇ ਦੌਰਾਨ ਉਹਨਾਂ ਦੀ ਸਹਾਇਤਾ ਕੀਤੀ ਜਾ ਸਕੇ ਅਤੇ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਲੋਕ ਅਜਿਹੀ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹਨ ਜਿਸਦੀ ਉਹਨਾਂ ਨੂੰ ਲੋੜ ਹੈ ਅਤੇ ਜਿਸਦੇ ਉਹ ਹੱਕਦਾਰ ਹਨ।
ਇੱਥੇ ਮਦਦ ਪ੍ਰਾਪਤ ਕਰੋ:
- 1 800 SUICIDE (1-800-784-2433)
- ਮਾਨਸਿਕ ਸਿਹਤ ਸਹਾਇਤਾ: 310-6789
- ਬੱਚਿਆਂ ਦੀ ਮਦਦ ਲਈ ਇੱਥੇ ਫ਼ੋਨ ਕਰੋ 1-800-668-6868
- KUU-US ਕ੍ਰਾਈਸਿਸ ਰਿਸਪੌਂਸ ਸਰਵਿਸ, ਜੋ ਕਿ ਬੀ.ਸੀ. ਦੇ ਸਾਰੇ ਇੰਡੀਜਨਸ (ਮੂਲ-ਵਾਸੀ) ਲੋਕਾਂ ਨੂੰ ਸੱਭਿਆਚਾਰਕ ਤੌਰ ‘ਤੇ ਸੁਰੱਖਿਅਤ ਸੰਕਟ ਸਹਾਇਤਾ ਪ੍ਰਦਾਨ ਕਰਦੀ ਹੈ। ਇਹ ਨੰਬਰ 1-800-588-8717 ਹੈ
- ਅਲਕੋਹਲ ਐਂਡ ਡਰੱਗ ਇਨਫੌਰਮੇਸ਼ਨ ਐਂਡ ਰਿਫਰਲ ਸਰਵਿਸ:1-800-663-1441
